-- ADVERTISEMENT --
TAPAZ, CAPIZ – Arestado ang 23-anyos nga persona matapos ginserbihan sang warrant of arrest sa Barangay San Nicolas, Tapaz, Capiz.
Ginkilala ang arestado kay Jaren Focbit 23-anyos sang nasambit nga lugar.
Kaso nga frustrated murder ang ginapangatubang sang akusado sa diin ang nasambit nga warrant of arrest gin-isyu kag ginpirmahan ni Judge Judith Orendain Tunogbanua sang RTC 6 Branch 20, Mambusao, Capiz nga ginpetsahan sadtong Disyembre 10, 2018.
Ginrekomendar naman sang korte ang 200 mil pesos nga piyansa para sa temporaryo nga kahilwayan sang nasambit nga suspek.
