29-anyos nga lalaki nagparekord sa pulisya matapos ginaalegar ginsumbag

ROXAS CITY – Nagparekord sa Roxas City PNP ang isa ka 29-anyos nga lalaki matapos ginaalegar ginsumbag sang isa ka lalaki sa Purok 3, Barangay Libas, Roxas City.

Ginkilala ang tagreklamo kay Gerald Espino sang nasambit nga lugar.

Base sa inisyal nga imbestigasyon sang mga kapulisan nga ginaalegar sang biktima nga samtang nagbakal ini sang sigarilyo sa tiangge may nakita ini nga isa ka persona nga nagahigda sa dalan rason nga ginpalapitan niya ini kag tuyo kuntani buligan.

Apang, hinali na lamang ini ginsumbag sang suspek nga si Johnns Arroyo sang amo man nga lugar.

Bangud diri, ginpakamaayo na lamang sang tagreklamo nga iparekord sa pulisya ang insidente.