LAWAAN ROXAS CITY – Pilason ang tatlo ka mga indibidwal, matapos ang nagluntad nga aksidente sa Pueblo De Panay, Barangay Lawaan, Roxas City.
Ginkilala ang driver victim kay Heaven Smith, 25-anyos, construction worker kag residente sang Rizal St., Barangay VII, Roxas City, samtang ang driver suspek ang ginkilala kay Rey Facura, 32-anyos, private employee kag residente sang Barangay Lawaan, Roxas City.
Sa impormasyon nga nagikan sa Roxas City PNP, ginapahayag nga samtang ginasubay sang driver suspek ang dalan nagikan sa Roxas City proper kag padulong kun tani sa Pueblo De Panay sa amu nga barangay sakay sang Rusi DL nga motorsiklo nagaduag itom pag-abot sa lugar kun sa diin nagluntad ang insidente aksidente ini nga ginbungguan sang nagasunod nga Suzuki FW110D nga motorsiklo nagaduag itom nga ginamaneho sang driver suspek.
Bangud sa impact sang pagkabungo nag-angkon sang pilas sa magkatuhay nga parte sang lawas ang magtimbang nga bahin nga madasig naman ginrespondihan sang katapo sang Bureau of Fire Protection (BFP) medical response team agud hatagan sang pauna nga pagbulong antes ginpadangat sa Roxas Memorial Provincial Hospital para sa nagakaigo nga pagbulong.
Samtang yara naman sa paghinakop sang Roxas City PNP ang mga motorsiklo para sa nagakaigo nga disposisyon.
