ROXAS CITY – Dakop ang 3 tanan ka mga indibidwal matapos ang ginkasa nga drug buybust operation sang Philippine Drug Enforcement Agency (PDEA) kag Philippine National Police (PNP) Regional Intelligence Unit (RIU) sa Mckinley Ilaya, Barangay I, Roxas City.
Sa impormasyon nga nakuha sang Bombo Patrol Team sa lugar, ginkilala ang mga nagkaladakpan nga sanday Jolito Berrer, 48-anyos, Jother Gonzalez, 26-anyos, kag Michael Sibugan, 44- anyos, lunsay mga residente sang amo nga lugar.
Nakuha sa posesyon sang mga ini ang 20 ka sachets sang ginapatihan illegal nga droga nga may kabug-aton mas o menus 30 gramos kag may Standard Drug Price nga P204,000.00 kag mga drug paraphernalia’s.
Magapangatubang sa panumbongon nga paglapas sa RA. 9165 ukon Comprehensive Dangerous Drugs Act of 2002 ang mga nagkaladakpan.
