-- ADVERTISEMENT --
ROXAS CITY – Pilason ang tatlo ka mga persona matapos ang nagluntad nga aksidente sa Barangay Taslan, Dumarao, Capiz.
Base sa inisyal nga imbestigasyon sang Dumarao Municipal Police Station nga samtang ginasubay sang driver sang motorsiklo nga si Salvador Parinio 28-anyos sang Barangay Bungsuan kaupod ang backrider nga si Lester Castanales 27-anyos sang Barangay Taslan sang aksidente na lamang ini nga ginbungguan sang motorsiklo ni Joaqin Robles 38-anyos sang Barangay San Juan sa amo nga banwa.
Bangud diri, nag-angkon sang pilas sa lawas ang tatlo ka nasambit nga mga persona nga gilayon naman gindapatan sang nagakaigo nga pagbulong.
