MAAYON,CAPIZ- Pilason ang tatlo ka mga persona matapos nagbungguanay ang motorsiklo kag tricycle sa Barangay Poblacion Tabuc, Maayon, Capiz.
Base sa inisyal nga imbestigasyon sang Maayon PNP samtang ginasubay ang dalanon sang motorsiklo nga ginamaneho ni Gerry Acoriba 36-anyos sang Barangay Balighot kaupod ang backrider nga si Kitche Boy Degobaton 26-anyos sang Barangay Indayagan sang aksidente na lamang bumunggo sa tricycle nga ginamaneho ni Ryan Delfin 30-anyos sang Barangay Indayagan, Maayon, Capiz.
Bangud diri, nag-angkon sang kapilasan sa lawas ang tatlo ka mga persona nga gilayon gindala sa ospital agud madapatan sang nagakaigo nga pagbulong.
Ginapahayag nga yara sa idalom sang impluwensya sang makahulubog nga ilimnon ang tatlo.
Samtang, yara na karon sa kustodiya sang Maayon PNP ang motorsiklo kag tricycle para sa nagakaigo nga disposisyon.
