ROXAS CITY – Pilason ang tatlo ka persona sa pagkarambola sang mga salakyan kag tricycle sa Roxas Avenue, Roxas City.
Nag-angkon sang pilas sa nagkalain-lain nga bahin sang lawas ang driver sang tricycle nga si Alexander Aroncena kag mga pasahero nga sanday Esmaelita Agudo kag Emerryl Casipe.
Sa imbestigasyon sang Roxas City PNP nagaguwa nga nagpundo ang tricycle para mag-unload sang pasahero apang aksidente ini nabungguan sang salakyan sang isa ka doktor nga si Julius Arches.
Bangud sa impact sang pagkabunggo sa tricycle nabungguan man sini ang nakaparked nga salakyan sa kilid sang karsada nga ginamaneho ni Joey Daynolo.
Samtang gilayon nga gindala sa ospital ang mga biktima kag nagpromesa ang doktor nga abaguhon ang tanan nga mga galastuson sa pagpabulong sa ila.
