34 anyos nga lalaki nagparekord sa pulisya matapos gintunto sang iya ginpadal-an sang kwarta

ROXAS CITY – Nagpabalhag sa Roxas City Police Station ang isa ka 34 anyos nga lalaki matapos nga gintunto sang iya ginpadal-an sang kwarta agud ibakal sang ticket.

Ang tagreklamo amo si None Albay, residente sang Arnaldo Blvd., sining siyudad.

Base sa ginpabalhag ni Albay, nagpadala siya sang P11, 400 kay Lat Carolina kag John Mark Tomas para kuntani ibakal sang ticket sang lima ka mga entertainers nga magaabot para sa isa ka KTV bar sa siyudad sang Roxas gikan sa Metro Manila.

Apang ginaalegar nga wala ini gintuman nanday Carolina kag Tomas kag indi na niya ini karon ma-contact.

Bangud diri, ginpabalhag na lamang ni Albay sa pulisya ang amo nga insidente.