-- ADVERTISEMENT --
Luwas nga nakapauli ang 344 ka mga Pinoy gikan sa Dubai sa Pilipinas subong nga Biyernes Santo.
Suno sa Department of Migrant Workers (DMW), alas kwatro sang hapon naghugpa sa Villamor Airbase ang ikapito nga flight nga gin-arkilahan sang gobyerno.
Ang flight ang ginalakipan sang 228 overseas Filipino workers (OFWs), 68 ka mga himata kag 48 ka stranded Filipinos.
Ang ini nga lihok ginhimo suno sa direktiba ni President Ferdinand Marcos Jr. agud masiguro ang kaluwasan kag kaayuhan sang tagsa ka Pilipino nga apektado sang krisis sa Middle East.
Nakahanda man ang gobyerno nga maghatag sang medical assistance, financial aid, pamasahe pabalik sa ila tagsa ka probinsya kag temporaryo nga accomodation.
-- ADVERTISEMENT --
