Nagapanawagan ang 3rd Infantry Division sang Philippine Army sa mga miyembro sang Communist Party of the Philippines- New People’s Army (CPP-NPA) nga magbalik na sa sabak sang gobyerno.
Sa interview sang Bombo Radyo kay Captain Jessie Jun Ebalan, Chief sang 3rd infantry Division Public Affairs Office, iya ginpahayag nga nagadamu na ang numero sang mga rebelde nga naga-surrender nga gusto na nga mag-umpisa sang bag-o nga kabuhi.
Suno kay Captain Ebalan, apisar na-dismantle na ang iban nga mga grupo sang New People’s Army sa isla sang Panay, may yara sa gihapon sang nagapabilin nga miyembro sang nasambit nga grupo.
Pahayag pa niya, nagapadayon man sa gihapon ang programa sang ila talatapan nga Enhance Comprehensive Local Integration Program kun sa diin ginahatagan sang pangabuhian ang mga nagsungka nga miyembro nga ginasuportahan man sang nagakalain-lain nga ahensya sang gobyerno.
Nahibaluan man nga subong nga adlaw ang anniversary sang amo nga grupo gani naka-alerto ang bug-os nga pwersa sang ila talatapan sa posible aktibidad nga pagapatigayunon.
Dugang pa sang natungdan, magapadayon ang ila nga operation agud nga mapabilin ang seguridad sang mga civilian sa palibot.
