ROXAS CITY – Yara na karon sa kustodiya sang Roxas City Police Station ang apat ka mga suspek lakip na ang duha ka mga menor de edad matapos nga ginaalegar nagpangawat sa Barangay V, Roxas City.
Ginkilala ang mga suspek nga sanday Judge Manican kag Santos Manican nga lunsay yara sa legal nga pang-edaron kag mga residente sang nasambit nga lugar.
Samtang ang duha naman ka mga menor de edad ang lunsay nagapang-edaron sang 15 anyos.
Ginaalegar nga nadakpan sa akto ang nasambit nga mga suspek nga nagpangawat sa isa ka balay kun sa diin ginkawat sang mga ini ang 3 ka mga laptops kag iban pa.
Sa karon, yara na sa kustodiya sang pulisya ang nasambit nga mga persona samtang ang duha ka mga menor de edad naman ang ginturned-over sa WCPD Section sang Roxas City Police Station para sa nagakaigo nga disposisyon.
