ROXAS CITY – Dakop ang 43-anyos nga lalaki, matapos mabaklan sang indi lisensyado nga armas-luthang sa Hermano Subd., Barangay Punta Tabuc, Roxas City.
Ginkilala ang nadakpan kay Jerald Alba, 43-anyos kag residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City PNP, ginapahayag nga natigayon nga madakpan si Alba pinaagi sa nagpakuno-kuno nga pulis bilang Poseur Buyer.
Nakuha sa paghinakop sini ang gray caliber .38 homemade revolver, 1 hand bag nagaduag itom, P100.00 nga marked money, P2,500 nga boodle/counterfeit money kag 3 ka mga bala sang nasambit nga armas-luthang.
Kaso nga pagpalapas sa Republic Act 1051 ukon Comprehensive Firearms and Ammunition Regulation Act, ang kaso nga paga-atubangon sang nadakpan.
Sa karun, yara na ini sa paghinakop sang Roxas City PNP para sa nagakaigo nga disposisyon.
