46 anyos nga lalaki, nalukpan sang whistle bomb sa kamot sa Barangay Sto. Niño, Dumalag, Capiz

DUMALAG, CAPIZ – Nalukpan sa tuo nga kamot ang 46 anyos nga lalaki gamit ang whistle bomb sa Barangay Sto. Niño, Dumalag, Capiz.

Ang biktima amo si alyas “John”, isa ka construction worker kag residente sang nasambit nga barangay.

Sa impormasyon sang kapulisan, samtang ginakaptan sang biktima ang palupok gamit ang iya tuo nga kamot kag ginsindihan, ginaalegar nalipat ini nga ihaboy gilayon ang palupok.

Bangud sini, aksidente nga naglupok ang whistle bomb sa iya kamot.

Nakaangkon sang mga pilas sa kamot ang biktima kag gilayon nga gindala sa ospital.

Sandig sa imbestigasyon, ang biktima ang yara sa impluwensya sang makahulubog nga ilimnon sang natabo ang insidente.