Arestado ang 5 tanan ka mga tripulante matapos nadakpan sa akto nga nagapatigayon sang illegal nga pagpangisda sa kalalawran nga sakop sang banwa sang Panay.
Ang amo nga mga tripulante ang lunsay mga residente sang Barangay Casanayan sa banwa sang Pilar.
Sa nakuha nga impormasyon sang Bombo Radyo, ginapahayag nga nadakpan sa akto nga nagapatigayon sang iligal nga pagpangisda ang mga tripulante nga wala sang may nagakaigo nga permit.
Samtang, nakumpiskar naman sa mga tripulante ang 2 ka makina, 1 ka pump boat, lambat nga kompleto sa accessories kag kapin 100 kilos sang nanari-sari nga mga isda.
Sa karon, yara na sa paghinakop sang MENRO-LGU Panay ang mga nakumpiskar nga kagamitan kalakip na ang mga tripulante para sa nagakaigo nga disposisyon.
