51-anyos nga ginang nagparekord sa pulisya matapos nga ginaalegar ginmulay sang isa ka hubog

ROXAS CITY Nagparekord sa Roxas City Police Station ang isa ka 51-anyos nga ginang matapos nga ginaalegar ginduro-duro kag ginmulay sa Barangay Bolo, Roxas City.

Ginkilala ang tagreklamo nga si Lodilyn Villasoto sang nasambit nga lugar.

Base sa inisyal nga imbestigasyon sang Roxas City Police Station nga samtang nagainom ang suspek nga si Renio Penequito “alias Bodok” sang hinali na lamang sini gintawag ang tagreklamo apang wala niya ini ginsapak kag nagdiretsu lamang ini sa paglakat.

Ginkaakig naman ini sang nasambit nga suspek rason nga ginduro-duro kag ginmulay sini ang nasambit nga tagreklamo.

Bangud diri, ginpakamaayo na lamang sang tagreklamo nga iparekord sa pulisya ang natabo.