Nagpositibo sa ginpatigayon nga drug-test ang isa ka 55-anyos nga lalaki nga nakuhaan sang kapin P1-million nga balor sang droga matapos nadakpan sa Sitio Switch Barangay Adlawan, syudad sang Roxas.
Matandaan nga ginkilala ang amo nga nadakpan kay alyas “Ramy”, 55-anyos, residente sang Phil. Railway Street, Barangay IX, syudad sang Roxas.
Sa impormasyon nga nakuha sang Bombo Radyo, ginapahayag nga suno sa Provincial Drug Enforcement Unit (PDEU) sang Capiz Police Provincial Office (CPPO) nakitaan man sang ginapahayag “methamphetamine hydrochloride’’ ang 26 tanan ka sachet sang droga nga naglab-ot sa 130 gramos, kag ginabulubanta nagabalor sang P850,000.
Samtang, natigayon naman nga napasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 ang amo nga suspetsado.
Sa karon, nagapabilin nga nakahunong sa karsel sang Roxas City Police Station si alyas Ramy para sa nagakaigo nga disposisyon.
