ROXAS CITY – Ginbawian sang kabuhi samtang ginabulong sa ospital ang isa ka 55-anyos nga panday matapos naaksidente ang ginamaniho nga motorsiklo sa Brgy. Poblacion banwa sang President Roxas sang tinalikdan nga Mayo 23.
Ginkilala ang biktima kay Erwin Enriola, residente sang Brgy.Pondol sang nasambit nga banwa.
Sandig sa President Roxas Municipal Police Station, nga samtang ginasubay sang biktima ang dalanon padulong sa ila puluy-an aksidente ini nga nadulaan sang kontrol sa pagmaneho sa iya motorsiklo nga Honda wave 125 rason nga natumba ini kag nag-angkon sang kasamaran sa magkatuhay nga parte sang kalawasan.
Ginpadangat ang biktima sa Bailan District Hospital para sa nagakaigo nga pagbulong.
Apang, kahapon nga adlaw sang Martes, ginbawian ini sang hulam nga kabuhi.
Sa karun, yara na ang bangkay sang biktima sa isa ka punerarya sa banwa sang President Roxas.
