ROXAS CITY – Dakup sa akto nga nagapatigayon sang iligal nga pagpangisda ang anum ka mga mangingisda sa separado nga operasyon sa kadagatan nga sakup sang Panay, Capiz.
Ginkilala ang boat captain kay JR Peña, 36-anyos kag mga crew sini nga sanday Dino Ebia, 22-anyos, Joeney Atagame, 42-anyos kag Roberto Moreno, 45-anyos lunsay mga residente sang Barangay Libas, Roxas City, Nelberth Valencia, 42-anyos boat captain kag crew nga si Armando Dela Cruz, 45-anyos lunsay mga residente sang Brgy. Casanayan Pilar.
Ginbayular sang mga mangingisda ang Municipal ordinance No. 03-02 series of 2003 (TRAWL) nga magapangatubang sang nagakaigo nga penalidad.
Narekober sa ila paghinakop ang duha ka unit sang fishing boat, duha ka unit sang makina, lambat kag 75 kilos sang nagkinalain-lain nga isda.
Sa karon, yara ang mga ini sa kustodiya sang Municipal Environment and Natural Resources Office (MeNRO) – Panay para sa nakaigo nga disposisyon.
