Nagpabutyag sang kabalaka ang actor nga si Dingdong Dantes sa palaabuton sang iya mga kabataan kun padayon nga mangin problema ang kurapsyon sa Pilipinas.
Ini sa tunga sang nagapadayon nga kontrobersiya may kaangtanan sa maanomaliya nga flood control projects kag pagkaangot sang mga opisyal sang gobyerno nga ginaalegar nagabaton sang ‘kickback’.
Suno kay Dingdong, samtang nagalantaw sila sang hearing sa senado kag sa kamara upod ang iya asawa nga si Marian Rivera, nakapamangkot ini kun ano nga sahi sang pungsod ang ila ibilin sa ila mga kabataan — kun isa bala ka matarong kag tampad ukon isa ka puno sang kabutigan kag pagkadalok sang gobyerno.
Pahayag pa niya, indi lamang ini isa ka simple nga isyu sang legal corruption kundi isa ka madalum nga sistematiko nga problema nga nagapabug-at sa kabuhi sang minilyon nga mga Pilipino.
Apang, nagalaum sa gihapon si Dingdong kag nagapati nga may pila pa ka maayo nga mga lider kag mga pumuluyo nga mahipos nga nagahimo sang insakto sa pihak sang magamo nga pungsod subong.
