Nagpasaka sang separado nga reklamo sa Caloocan kag Pasay fiscals ang aktres nga si Nadia Montenegro batok sa pila ka mga media organization. Ini may kaangtanan sa report nga naggwa gikan sa Senate Office of the Sergeant-at-Arms (OSAA) angut sa insidente sang ginaalegar baho sang ginapatihan marijuana nga naghalin sa sulod sang isa ka banyo sa Senado.
Nagpadulong si Nadia sa Caloocan Prosecutor’s Office kag Pasay City Prosecutor’s Office kahapon nga adlaw upod ang iya abogado nga si Atty. Maggie Abraham-Garduque.
Suno kay Nadia, matapos magpasaka sang reklamo sa Caloocan fiscal office, nagpadulong ang aktres sa Pasay fiscal office agud magpasaka sang reklamo sang unjust vexation kag paglapas sa safe spaces act batuk sa ginapahayag staff sang Senado.
Nahibaluan nga natabo ang insidente sang Hulyo 2025 samtang ang security personnel nga si Patelo yara sa pwesto sang 5th floor sang senate Buliding nga nakabaton sang tawag gikan sa isa ka lalaki nga staff nahanungod sa mabaskog nga baho sa ila area.
Matapos ang issue, nag-resign si Nadia bilang staff ni Sen. Robin Padilla nga nagtuga sang kontrobersiya.
