-- ADVERTISEMENT --
Indi makahampang si Alex Eala sa Cincinnati Open samtang nagapaayo siya sa iya naangkon nga shoulder injury, suno sa Women’s Tennis Association (WTA).
Kasunod ini sang iya pagguwa sa una nga hugna sa National Bank Open sa Montreal, sa diin napierde siya ni Czech Marketa Vondrousova sa tatlo ka set, 6-3, 1-6, 2-6.
Si Eala nagnubo gikan sa World No. 65 pakadto sa World No. 69, apang nagahanda pa para sa US Open sa New York sini nga Agosto. Indi niya matambungan ang katapusan nga WTA 1000 nga kahiwatan antes ang Grand Slam, nga pangunahan nanday Aryna Sabalenka kag Coco Gauff.
Sa iya pagbalik sa Pilipinas, ginpahayag ni Eala nga plano sini nga magpasakop sa mga tournament sa Asya pagkatapos sang US Open.
