Sigurado na ang pagsabak sang Pinay tennis sensation nga si Alex Eala sa quarterfinals sang Miami Open.
Ini matapos nga nag-atras sa tournament si Paula Badosa sang Spain.
Ginapahayag nga bangud sa ginabatyag nga injury, indi na masarangan ni Badosa nga liwat pa nga magpasakop sa match.
Bangud sa mga adjustment, otomatiko nga nakasulod si Eala sa quarterfinals sang prestihiyoso nga torneo.
Ang 19-anyos nga Filipina, padayon nga nagahimo sang kasaysayan sa patag sang tennis, ilabi na nga ini ang iya una nga kahigayunan nga makaabot sa kasubong sini nga lebel sa isa ka WTA 1000 nga torneo.
Ang kadalag-an nga ini isa ka daku nga tikang para sa Philippine tennis, kag sigurado nga magahatag inspirasyon sa mga kabataan nga atleta sa pungsod.
Sa karon, pagaatubangon ni Eala ang magadaog sa hampang nanday Iga Swiatek kag Elina Svitolina para sa masunod nga round.
