ROXAS CITY – Ginareklamo sang isa ka amay nga nabiktima sang pagpangawat sang duha ka lalaki nga nagalibot kag nagapakuno-kuno nga gapamakal sang scrap sa Barangay Baybay, Roxas City.
Ginkilala ang biktima kay tatay Joseph, residente sang nasambit nga lugar.
Pahayag ni tatay Joseph, may nagpanawag sa ila balay nga duha ka lalaki kag nagpamangkot kun nagabaligya ayhan sang lata ang mga ini.
Sang wala may mahatag ang biktima nga scrap, ginpalibot sini ang duha sa palibot sang ila balay kag ginpatsekyar kun may makuha ini sila sa ila ginatuyo nga scrap.
Sang gin-tsekyar sang biktima ang gamit nga tricycle sang mga suspetsado, nakita sini nga wala ini sang plaka kag wala sang unod nga mga sako nga magapamatuod nga nagapamakal ang mga ini sang bote, lata kag plastik. Dugang pa sini nga lata lang ang ginabaton kag ginabakal sang mga ini.
Apang, sa ulihi nga pag-tsekyar ni Joseph sa iya kasapatan, nagkulang na ang iya sini nga alaga nga itik.
Panugyan ni Joseph sa barangay nga kun tani maghiwat ang mga ini sang roving sa ila nga barangay agud malikawan ang kasubong nga insidente.
