ROXAS CITY – Ginpasakaan na sang panumbungon nga paglapas sa RA 10591 ukon Comprehensive Law on Firearms and Regulation act pinaagi sa inquest proceeding sang Criminal Investigation and Detection Group (CIDG-Capiz) ang anay SB member sa banwa sang Jamindan matapos nakuhaan sang pusil kag bala sa iya balay.
Yara sa kostodiya sang CIDG-Capiz si anay SB member Patricio Vergara Villasis Sr., sang Barangay Linambasan, Jamindan, Capiz matapos nakuha sa iya puluy-an ang 9mm caliber pistol, duha ka magazine kag mga bala.
Suno kay CIDG – Capiz chief Major Chris Artemius Devaras nga madugay na nga ginareklamo sang mga residente ang masami nga pagpalupok sang armas ni Villasis Sr., sa tagsa ka ini ang mahubog.
Magluwas diri nagatuga man sang kahadluk sa mga pumuluyo ang ginahimo nga pagpalupok sang armas sang anay SB member.
