Nagapanawagan si anay Senador Panfilo “Ping” Lacson kay Presidente Ferdinand Marcos Jr. nga luwason ang Konstitusyon pinaagi sa paggamit sang iya line-item veto power sa 2025 budget bill.
Sa tunga naman ini sa pagbuhin sa pondo sang Department of Education (DepEd) nga paglapas sa layi.
Ginhatagan pagtamud ni Lacson ang pagbuhin sa badyet sang DepEd ang nagapamatuk sa Article XIV Section 5(5) sang 1989 Constitution nga nagasaad nga ang Estado ang dapat nga magpain sang pinakadako nga pondo sa edukasyon.
Ginpunto ni Lacson ang ginhimu nga pagbuhin sang Bicameral conference committee sa budget sang DepEd sa P737 billion apang gindugangan ang pondo sang Department of Public Works and Highways sa P1.113 trillion.
P12 billion ang nadula sa pondo sang DepEd nagikan sa P748.6 billion.
Gin-ibanan man ang budget para sa Commission on Higher Education kag state universities and colleges.
Nadismaya man si Education Secretary Sonny Angara sa ginhimu nga pagbuhin sang bicam members sa pondo sang iya talatapan para sa tuig 2025 nga ginbuhinan sang halos P12 bilyon.
Sa baylo nga dugangan, ginbuhinan pa suno diri kabaliktaran sa na-andan sang Kongreso kun ginabusisi na ang budget sa bicam para sa sektor sang edukasyon.
