LUNA, ISABELA– Apat ka persona ang napatay samtang wala pa matumod ang eksakto nga kadamuon sang mga pilason matapos nagbungguanay ang isa ka jeepney kag truck sa highway sang Brgy. Mambabanga, Luna, Isabela, Miyerkules sang aga.
Suno sa mga awtoridad, ang mga napatay nakabatyag sang madamo nga pilas sa ulo kag lawas bangod sang mabaskog nga pagbunguanay nga nagresulta sa ila gilayon nga kamatayon.
Base sa available nga CCTV footage, ginapatihan nga nadula sa kontrol ang drayber sang truck nga amo ang rason nga nagsulod ini sa pihak nga lane tubtob nga nabungguan ang nagapalapit nga jeepney kag isa ka motorsiklo.
Gilayon nga nag responde ang mga emergency responders upod ang kapulisan kag gin-dala sa malapit nga ospital ang mga sakay sang jeepney para sa madali nga bulong. Apat sa ila ang gin deklarar nga patay, samtang padayon pa nga ginabuligan kag ginahatagan sang medikal nga atensyon ang mga pilason.
Padayon pa ang imbestigasyon sang kapulisan agud matumod ang eksakto nga kabangdanan sang insidente kag ang kabug-usan nga kadamuon sang mga pilason.
Samtang amo ini, ginpahanumdom sang mga awtoridad ang mga motorista nga mangin mabinantayon sa paglabay sa amo nga lugar kag mag kooperar sa traffic authorities agud malikawan ang wala ginapaabot nga aksidente sa sulod man uko guwa sang munisipyo.
