Armas luthang, boluntaryo ginsungka sa mga kapulisan sa banwa sang Dumarao

ROXAS CITY- Boluntaryo nga ginsungka sang isa ka mister ang 1 ka yunit nga homemade 12-gauge shotgun nga wala sang bala kay PoliceStaffSergeant Dennis Magbanua, Platoon PNCO of 2nd Maneuver Platoon, 2nd Capiz PMFC sa Barangay Hall sang Barangay Dacuton Dumarao, Capiz.

Ang wala na ginhingadlan nga mister ang residente man sa nasambit nga lugar.

Nahibaluan nga ini ang kabahin sang mas ginpasangkad nga kampanya sang kapulisan nga Tokhang Kontra Armas Luthang ukon TKAL.

Sa karon, yara na sa paghinakop sang Dumarao Municipal Police Station ang nasambit nga armas-luthang para sa nagakaigo nga disposisyon.