-- ADVERTISEMENT --
Boluntaryo nga ginsungka sa Roxas City Police Station ang isa ka unit sang armas-luthang nga Armscor .45 caliber pistol nga wala sang mga bala kag magazine bangud nga wala ini nga ma-renew sang tag-iya.
Ginkilala ang tag-iya sang amu nga armas-luthang kay alyas “Ernest”, 59-anyos, negosyante kag residente sang Malipayon Village, Brgy. Tiza, Roxas City.
Mahibaluan nga ini ang bunga sang mas ginpasangkad nga kampanya sang Tokhang Kontra Armas-luthang ukon TKAL agud mapabilin ang kalinong kag katawhay sang palibot.
Sa karon, yara na sa kustodiya sang Roxas City Police Station ang nasambit nga armas-luthang para sa nagakaigo nga disposisyon.
