Armas luthang, boluntaryo nga ginsungka sa mga kapulisan sa banwa sang Dumalag

Boluntaryo nga ginsungka sang isa ka barangay official sa mga katapo sang Dumalag PNP ang isa ka unit sang indi lisensyado nga armas luthang sa Barangay Poblacion, Dumalag, Capiz.

Sa impormasyon nga nakuha sang Bombo Radyo sa Dumalag MPS, ginturn-over sa ila ang isa ka unit sang homemade 12 gauge shotgun long barrel nga wala sang serial number.

Nahibaluan nga ini pa ang kabahin sang mas ginpasangkad nga kampanya sang kapulisan ang Tokhang Kontra Armas Luthang ukon TKAL.

Sa karon, nagapabilin sa kostudiya sang mga otoridad ang nasambit nga armas luthang para sa nagakaigo nga disposisyon.