PASIG CITY – Permanente na nga gindiskwalipikar sang Commission on Election (COMELEC) si Atty. Ian Sia, nga nagapadalagan bilang kongresista sang Pasig City.
Kasunod ini sang iya single mother joke kag ang body-shaming sang isa ka anay kaupod sa trabaho.
Suno sa COMELEC Second Division, indi lamang sala ang pahayag ni Sia kundi indi man makatarunganon kag maka-offend sa prinsipyo sang pagduso sang patas nga eleksyon.
Dugang pa nga ginpahayag sang nasambit nga resolusyon nga ang pahayag sini isa ka kapaslawan sang mga talaksan nga nagatuyo sa pagserbisyo sa pumuluyo.
Matandaan nga nagpasaka sang kaso nga disqualification ang Solo Parents party-list batuk kay Sia bangud sa iya joke sa isa ka kampanya kun sa diin mahimo makighilawas sa iya ang mga single parents.
Una nga gin-athag ni Sia nga indi tuyo sang iya pahayag nga pakahuy-an ukon harasson ang mga babaye nga solo parents, rason nga ginbasol pa sini ang nag-upload sang video.
Mahimo sa gihapon nga mag-apelar si Sia sa Korte Suprema kag kun magdaog siya sa eleksyon, indi ini mahimo nga iproklamar tubtub wala pa sang desisyon ang korte.
