DUMARAO, CAPIZ – Away sa duta ang isa sa mga anggulo nga ginalantaw sang kapulisan sa pagpang-ambush-patay sa mag-asawa sa Sitio Magalan, Barangay Sagrada Familia banwa sang Dumarao.
Sa interview sang Bombo Radyo kay Dumarao PNP Chief PCAPT. Tobias Garfin, may mga na-mention ang mga biktima sa ila pamilya nga may ara ang mga ini sang pagpamahog sa ila kabuhi.
Suno pa kay Garfin nga may yara na ini sila karon sang person of interest kag ginalantaw nga indi lang isa ang naghimo sang pagpang-ambush sa amu nga mag-asawa.
Matandaan nga nag-angkon sang mga patal nga pilas ang mag-asawa nga ginkilala nga sanday Romeo Bagaforo, 47-anyos kag Regil Bagaforo, 48-anyos nga lunsay mga residente sang nasambit nga lugar.
Narekober naman sa ginluntaran sang pagpang-ambush ang 23 basiyo sang nagkalain-lain nga kalibre sang armas-luthang kag tatlo ka deformed bullets.
Sa karon nagapadayon nagapadayon ang maid-id nga imbestigasyon sang kapulisan angut sa nasambit nga insidente.
