ROXAS CITY – Nagsugod na nga makabaton sang ayuda ang mga mangunguma kag mangingisda nga na-apektuhan sang El Nino sa probinsya sang Capiz.
Ang amu nga pondo ang nagikan sa gobyerno national kun sa diin ini ang pinaagi sa Department of Agriculture (DA).
Mahibaluan nga yara sa P50-M nga pondo ang igapanagtag sa mga apektado kun sa diin mahimo nga makabaton ang mga ini sang tig-P10,000.00
Una nga nahatagan sang nasambit nga bulig amu ang banwa sang Sapian nga may 89 ka mga benipesyaryo, Dao 135, Dumarao 117, Pilar 432, Cuartero 128 kag Jamindan nga may yara sang 339 ka mga benipesyaryo.
Sunod nga makabaton ang iban nga mga kabanwahan sa probinsya.
Sa gindul-ong nga mensahe ni Capiz Governor Fredenil “Oto” Castro, nagpalab-ot ini sang pagpasalamat sa national government sa ginhatag nga bulig kag ginpasiguro nga makalab-ot ang amu nga ayuda sa mga nagakaigo nga benepisyaryo dala sang amu nga kalamidad.
