ROXAS CITY-Pormal na nga nagdangop sa Criminal Investigation and Detections Group ukon CIDG-Capiz si alyas Jane, ang ginapahayag babayi nga makita sa nagalapta nga nude video sa social media.
Pinaagi sa Bombo Radyo, nakatigayon nga makahinala si Alyas Jane kag mga katapo sang CIDG agud matumod kag madakup ang nagalapta sa amo nga video.
Natalana ini nga magpadulong sa Regional Anti-Cyber Crime Unit (RACU) sa siyudad sang Iloilo agud mapadasiga ang pag-trace sang mga suspetsado.
Dako ang pagpati ni Alyas Jane nga asawa sang iya nga anay nga karelasyon ang nagpalapta sang nasambit nga video.
Matandaan nga sa ekslusibo nga interview sang Bombo Radyo, Aminado si Alyas Jane may yara man ini sang sala natuhoy sa pakigrelasyon sa may asawa.
Apang luyag sini nga hatagan sang hustisya kag mapasabat ang responsable sa pagpalapta sang iya nga nude videos.
