ROXAS CITY – Pilason ang isa ka babayi matapos nga bumunggo ang ginamaneho nga motorsiklo nga may yara sang karga nga silhig sa kasugata nga truck sa Sitio Palagtingan Brgy. Agambulong, banwa sang Jamindan.
Ginkilala ang driver kay Rosaly Vigo, 27-anyos kag residente sang Sitio Kalipawa sang amo nga barangay.
Sandig sa traffic section sang Jamindan MPS, samtang ginasubay ni Vigo ang dalanon sang nadulaan ini sang kontrol sa manibela kag bumunggo sa kasugata nga truck nga ginamaneho ni Jone Borres, residente sang Brgy. Kamburanan banwa sang Tapaz.
Madasig nga ginpadangat sa Mambusao District Hospital apang gintransfer sa syudad sang Roxas para sa dugang nga pagbulong.
Nagapabilin naman nga yara sa kustodiya sang Jamindan MPS, ang truck para sa nagakaigo nga disposisyon.
