ROXAS CITY – Ginkalipay kag ginpasalamatan sang bag-o eleher nga Liga ng mga Barangay – Capiz Chapter President nga si Hon. Nico Yap ang mga kaupod nga mga liga president nga nagsuporta kag nagsalig sa iya sa nasambit nga posisyon.
Suno diri, daku nga kadungganan ang mapilian bilang presidente sang nasambit nga liga bangud indi ini basta-basta lang nga posisyon.
Pahayag ni Yap, sa iya pagpungko sa liga pagatutukan sini ang maayo nga relasyon sa mga liga president kag magabaton kag magahatag sang proyekto santu sa pagdumala ni Governor Fredenil Castro para sa ikaayo sang probinsya.
Dugang pa sini, madamo pa ini sang plano para sa Capiz gani indi gid sini pag-usikan ang posisyon kag panahon nga sa iya ginsalig ang liga.
Mahibaluan gintal-usan ni Yap si Outgoing Provincial Liga ng mga Barangay President Querubin Pamplona.
