Baha sa pila ka mga kabaranggayan sa banwa sang Mambusao nag subside na

ROXAS CITY – Hugot ang ginapatigayon nga close monitoring sang Municipal Disaster Risk Reduction and Management Office kag PNP-Mambusao sa pila ka mga kabaranggayan nga apektado sang tubig baha.

Ini ang ginpahayag sang hepe sang Mambusao PNP nga si Police Captain Edwin Luces sang mainterview sang Bombo Radyo.

Suno kay Luces nga nag subside naman ang tubig baha sa pila ka mga kabaranggayan sa nasambit nga banwa apang may yara sa gihapon sang mga barangay ang ginabaha.

Kalakip sa mga baranggay nga nagtaas ang tubig kasunod sang mamunog nga ulan amo Baranggay Balat-an, Bato-bato, Pangpang Sur kag Tumalalud.

Dugang pa ni Luces nga passable man ang mga salakyan sa nasambit nga mga barangay.