TAPAZ, CAPIZ – Nakit-an na ang bangkay sang lalaki nga nalumos sa suba sa banwa sang Tapaz, Capiz.
Ang nalumos amo si alyas Jov, 43 anyos, kag residente sang Brgy. Camalongo, Calinog, Iloilo apang temporaryo nga naga-istar sa Barangay San Roque, Tapaz, Capiz.
Sa interview sang Bombo Radyo kay Police Staff Sergeant John Ferotsen Palacios, Assistant Investigator sang Tapaz Municipal Police Station, iya ginpahayag nga nakit-an sang isa ka lalaki ang amo nga bangkay nga nagalutaw 250 metros sa lugar kun sa diin ini gina-alegar nga nalumos ang biktima.
Suno kay Police Staff Sergeant Palacios, nagatabok sila sa suba sang madiparahan sang pakaisa sang biktima nga nadanlog ini kag nakadtu sa madalum nga bahin sang suba.
Gintinguhaan pa nga luwason ang biktima apang nabuy-an na ini sang iya nga pakaisa.
Sa subong, yara na sa isa ka punerarya ang bangkay sang amo nga biktima.
INTERVIEWED BY: BOMBO ROADNIE DABAN DALANON VIA ZONA LIBRE
