Nagapabilin sa gihapon sa ospital ang bantay sang punong nga ginluthang sang ginapahayag duha ka mga kawatan sa Barangay Tanza Norte, Panay, Capiz.
Ang biktima amo si alyas ‘Adorico’, 49-anyos kag residente sang Barangay Linateran sa amo man nga banwa.
Sa interview sang Bombo Radyo kay Police Captain Ronald Ton-ogan, Hepe sang Panay Municipal Police Station, iya ginpahayag nga nagapadayon ang imbestigasyon sang mga kapulisan sa diin sa karon nga may yara na sila sang persons of interest angut sa nasambit nga insidente.
Matandaan nga ginluthang ang amo nga lalaki kag nag-angkon sang pilas sa tuo nga bahin sang abaga sang ginsaway sini ang duha ka mga indibidwal nga nagpadulong sa amo nga punong sa diin nga wala man ini sang katuyuan.
Samtang, ginapatihan nga iya sang 12-gauge shotgun ang bala ukon ‘pellet’ nga nag-igo sa biktima.
Sa karon, nagapadayon ang paglalip sang mga katapo sang Panay Municipal Police Station sa mga persons of interests angut sa nasambit nga insidente.
In an interview with Bombo Jessa Mae Siman De Los Santos
