Banwa sang Sta Ana, Cagayan, temporaryo nga isolated matapos ang pagkawasak sang isa ka tulay tuga sang Supertyphoon Ofel

Temporaryo nga isolated ang banwa sang Sta. Ana, Cagayan kadungan sang pagpanglaslas sang supertyphoon Ofel matapos mawasak ang isa ka tulay nga gina-agyan pasulod sa nasambit nga coastal town.

Mahibaluan nga nawasak ang amu nga tulay sa National Highway nga sakop sang Brgy. San Jose, Gonzaga samtang padayon nga naga-ilog ang tubig.

Bangud diri, wala sang anu man nga salakyan ang maka-agi sa amu nga dalan.

Dala sag tubig nga nagikan sa bukod ang mga kahoy, labno, kag iban pa nga mga debris nga dalayon naghampak sa dalan.

Samtang, wala naman sang mga indibidwal ukon mga salakyan nga yara sa tulay sang natabo ang insidente.