Isa ka sikat nga izakaya-style bar sa Shibuya District, Tokyo ang ginreklamo matapos magbutang sang signage sa entrance sang bar nga “Under 40 specialty bar” ukon bar nga para lang sa younger generation.
Ang ini nga tikang ang nagresulta sang debate sa lugar kun ini bala isa ka sahi sang diskriminasyon ukon isa ka simple nga business strategy lang.
Suno sa tag-iya sang amo nga bar, ginbutang nila ang nasambit nga signage agud malikawan ang pagsumalangay kag away sang naglain-lain nga henerasyon.
Bangud ila nga nakit-an nga madamo sa mas may edad nga customer ang nagareklamo sang gahod, gani luyag nila magpahamtang sang lugar nga indi tuman kagahod apang mangin malipayon sa gihapon ang magasulod sa lugar.
Gin-athag man sang tag-iya nga indi totally ginadumilian ang pagsulod sang mga lampas 40-anyos ang edad bangud kun ang isa ka “tito” ukon “tita” nga young at heart ang handa sa gahod sang musika ang ginapasugtan man nga magsulod.
Sa subong, epektibo na ang amo nga stratehiya sang nsambit nga bar.
