-- ADVERTISEMENT --
Arestado ang isa ka barbeque vendor nga may kaso nga pagpangawat matapos ginserbihan sang warrant of arrest sa Barangay Libas, Roxas City.
Ginkilala ang biktima kay alyas Boninay 27-anyos kag residente sang Purok III sa nasambit nga barangay.
Ang warrant of arrest ang ginpapanaog kag ginpirmahan ni Presiding Judge Kathleen Delantar sang Municipal Trial Court in Cities, Branch 2, Roxas City nga napetsahan sadtong Hulyo 26, 2024.
Ginrekomendar naman sang korte ang P10,000 nga piyansa para sa temporaryo sini nga kahilwayan.
Sa karon, nagapabilin sa karsel sang Roxas City Police Station ang akusado para sa nagakaigo nga disposisyon.
-- ADVERTISEMENT --
