Nagapabilin nga nakasampay ang barge sang M/P Masigasig bangud sang mabaskug nga balud kag hangin sa Bahura, Sitio Nipa, Barangay Culasi, Roxas City.
Ini ang ginkumpirma ni Lieutenant Commander Edison Diaz, Station Commander sang Philippine Coastguard (PCG-Roxas) sang mainterview sang Bombo Radyo.
Suno kay Diaz nga padulong na kun tani sa Culasi Port ang M/P Masigasig para magdul-ong sang supply sang San Miguel Beer sang nakabatyag sang tuman ka baskug nga balud kag hangin rason nga nag-separar ang barge sa M/P Masigasig.
Ginpakamaayo naman sang kapitan sang barko nga si Noreen Labyan nga magdiretso sa Culasi Port sakay ang tatlo ka mga opisyals sang San Miguel kag lima ka mga crew.
May yara sang 87701 cases sang assorted products sang isa ka dako nga kumpanya ang yara sa sulod sang barge.
Gindugang ni Diaz nga sa tion nga magtaas ang tubig ini ang tini-on nga pagakuha-on ang nasampay nga barge.
