Ginmanduan ni Jail Chief Superintendent Simeon Dolojo Jr., Regional Director sang Bureau of Jail Management and Penology-6 ang Regional Investigation and Prosecution Division nga magpatigayon sang imbestigasyon may kaangtanan sa reklamo batuk sa pila ka mga jail officers nahanungod sa anomaliya nga nagakatabo sa sulod sang Roxas City Jail-Female Dormitory.
Sa interview sang Bombo Radyo kay Jail Senior Inspector Atty. Juniven Rey Umadhay, Chief, Legal Service Section sang BJMP-6, iya ginpahayag nga nga nakalab-ot na sa ila talatapan ang nahanungod sa mga report batuk sa jail personnel kag management sang Roxas City Jail-Female Dormitory.
Suno kay Atty. Umadhay, pinaagi sa pagpatigayon sang imbestigasyon pahayag sang talatapan, masiguro ang maid-id nga imbestigasyon agud madetermina kun may yara gid man sang misconduct ukon kapabayaan nga nahimo ang sin-o man sa mga personnel sang amo nga pasilidad.
Pahayag niya, ginasiguro ni Regional Director Dolojo nga magapasaka ini sang nagakaigo nga administrative case batuk sa personnel nga involved kun may yara sang probable cause ang reklamo.
Dugang pa sini, wala ginatolerar sang BJMP ang mga personnel kun may yara sang sala nga ginhimo.
