ROXAS CITY – Naghiwat sang bloodletting activity ang katapo sang Philippine Coast Guard (PCG) –Capiz, nga sponsored ni City Councilor Moreno ‘Moreng’ Gonzaga, sa Capiz Coast Guard Station, sa Barangay Culasi, sini nga syudad.
Sa interview sang Bombo Radyo kay Gonzaga, ginpahayag sini nga ginpakamaayo niya nga i-selebrar ang iya kaadlawan, pinaagi sa pag sponsor sang bloodletting activity, paagi sa bulig sang PCG-Capiz, Maritime Police, Roxas City Airport Police, mga volunteers, Red Cross kag iban pa.
Sa interview sang naman sang Bombo Radyo kay Coast Guard Senior Chief Petty Officer Arnel Nisola, Deputy Commander for Operations sang PCG-Capiz, ginsiling sini ang pagpakigbahin sang ila organisasyon ang kabahin lamang sang ila community outreach program.
Target sang nasambit nga aktibidad nga malab-ot ang 120 nga blood donors’ nga ginakabug-osan sang mga Coast Guard trainees’ nagikan sa regions V kag VI kag mga sibilyan nga volunteers.
