ROXAS CITY – Ginkadismaya ni Board Member Mateo Hachuela ang Sangguniang Panlalawigan Secretary sa kaundan sang ginpadala nga imbitasyon sa Office of the Governor angut sa wala pagtambong sang mga hospital officials sa ikaduha nga adlaw sang legislative inquiry nga ginpatawag sang Sangguniang Panlalawigan kahapon nga adlaw.
Suno kay Hachuela nga kuntani gindirekta na lang padala ang imbitasyon sa mga hospital officials agud sila mismo ang makapaathag kun indi sila makatambong.
Gindugang pa ni Hachuela nga kuntani wala ginbutang sa sulat nga natuhoy sa legislative inquiry in aid of legislation ang tinutuyo sa pagpatawag sang mga hospital officials.
Sa baylo, ang imbitasyon ang may kaangtanan sa nagapadayon nga budget hearing sang provincial board.
Base sa obserbasyon ni Hachuela, mahimo nga nakakita sang rason ang gobernador nga indi pagpatambungon ang mga hospital officials sa inquiry bangud posible nahangawa sila sa kaundan sang imbitasyon.
