PILAR, CAPIZ – Wala nagapabaya ang mga barangay opisyales sang Cayus sa banwa sang Pilar angut sa gina-agawan nga duta sang duha ka pamilya.
Sa interview sang Bombo Radyo kay Punong Barangay Cesar Bacay, ginpahayag sini nga makapila na sila nag-istoryahanay sang magtimbang na grupo nga kun mahimu hulaton kag i-respeto ang desisyon sang korte sa duta nga ginaagawan.
Suno pa kay Bacay, wala ini sang ginaapinan kay malapit man sa iya ang duha ka pamilya.
Dugang pa sini nga ginpakamaayo nalang nga wakta mapaguwa ang tubo nga nakarga sa trak kag ginbilin sa uyapad rason nga ginkuha man ang salakyan nga nakabalabag sa dalan.
Ginklaro man sini nga ang tubo nga gintapas ang gintamnan sang mga Dela Torre rason nga ila ini ginbalagan nga makaguwa sa ila barangay.
Makapangayo naman ini sang bulig sa mga kapulisan pananglitan maglala pa ang tensyon sang duha ka pamilya.
