-- ADVERTISEMENT --
ROXAS CITY – Amat-amat na nga nangin mabakal ang mga kandila kag bulak nga yara sa guha sang mga sementeryo kadungan sa paghilapit sang Undas 2024.
Sa interview sang Bombo Radyo kay Nanay Anita Mae, vendor ginpahayag sini nga sumugod sadtong Oktubre 25 nangin maayo na ang ila kita kung ikumparar sadtong mga nagliligad nga semana.
Mahibaluan nga nagasugod sa P30.00 tubtob P120.00 ang presyo sang kandila nga ginabaligya ni nanay Anita apang P120.00 naman pag-abot sa bulak.
Suno diri nga madamo naman nga mga bumalakal bangud may mga magpamilya na ang nagabisita sa ila mga nagtaliwan nga himata apang madamo man siya suno diri sang kakompetensya.
