ROXAS CITY – Nag-amat-amat na padulong ang pila ka mga bumalakal sang bulak sa baligyaan sang mga regalo kag bouquet of flowers sa sa syudad sang Roxas.
Apang, ginpahayag sang pila man ka vendor kag tag-iya sang mga shops nga malayo ang deperensya sang mga bumalakal ikumparar sang wala pa sang pandemya.
Sandig sa mga ginpakig-angutan sang Bombo Radyo sa pila ka mga nagpili sang bulak, ginpahayag ni Wayne, isa ka South African national nga nagapangita ini sang pinakadako nga bulak nga igapanghatag sa iya mga Lola, kag sa pamilya sang iya asawa diri sa Capiz.
May yara man sang mga bumalakal nga ginalihog lang sang ila mga abyan agud suno diri indi mangin halata ang ila mangin sorpresa sa ila pagahatagan.
Sandig sa presyohanay sang bulak sa puwesto sang Bebeng’s flowershop, nagtaas sila sang 5% bangud mahal man ang ila pagkuha sa supplier kag limitado lang ang ila mga bulak nga gin-order.
Nahibaluan nga nagabalor sa P100 ang kada stem sang rosas, samtang yara naman sa P300 tubtob P2,500 ang kada bouquet sang bulak depende sa kadamuon kag desinyo.
Samtang, sa mga teddy ebars, may yara sang P850 tubtob P2,500 dpende man sa kadakuon sini.
