Nagpatigayon ang Bureau of Fire Protection (BFP)–Roxas City sang fire drill sa pampubliko nga establisyemento sa syudad sang Roxas City bilang kabahin sang kampanya para sa fire safety kag kahandaan sa tion sang sunog.
Ang tema sa subong nga Fire Prevention Month amo ang: “Sa pag-iwas sa sunog, hindi ka nag-iisa.”
Sa interview sang Bombo Radyo kay SFO1 Junemar Galve, Public Information Officer sang Bureau of Fire Protection sang Roxas City, iya ginpahayag nga sa amo nga drill ginpraktis ang senaryo sang pagtapna sang kalayo sa sulod sang building.
lakip na ang pagpatunog man sang fire alarm kag ginpatuman ang husto nga evacuation procedure.
Suno kay Galve, importante gid ang kahandaan kag pagdisiplina sa publiko agud malikawan ang madamo nga casualties kag dako nga kahalitan kun may sunog.
Gindemonstrar man sang Bureau of Fire Protection ang nagkalain-lain nga kagamitan pareho sang fire extinguisher, fire hose, kag iban pa nga rescue equipment, kag ginpaathag kun paano ini gamiton sa tion sang emerhensya.
