ROXAS CITY – Bugal sang probinsya sa patag sang pagsaot ang gindala sang Capiz DanceSport Team, matapos ang ila nga pagpasakup sa Second Manila Open Dance Sport Championship 2022.
Ini isa ka International competition nga ginpasakupan man sang iban nga pungsod kaangay sang Malaysia, Korea, Hongkong, Indonesia kag madamo pa, pinaagi sa sa virtual competition.
Sa interview sang Bombo Radyo sa mga manunudlo sang Capiz National High School nga nagaserbe trainers sang mga nagpasakup nga mga estudyante, wala nila ini ginlauman nga kadalag-an bangud ang ila nga tinutuyo amu nga makapasakup ang mga kabataan sa kaangay nga paindis-indis sa karon nga new normal.
Nahibaluan nga ini ang labing-una nga kahigayunan nga nagpasakup ang Capiz DanceSport Team, apang nakakuha na sila sang Silver kag bronze nga medalya, subong man nakalab-ot ang kadam-an sa mga dancers sa semi-finals kag finals.
Ang mga tagpasakup amu sanday:
Yvonne Nicole Trinidad
Elijah Faye De Juan
Elian Villagracia
Justin Gaye Besana
Japhet Lacuarta
Mary Chelleen Faith Baylon
Hannah Catherine Boluso
Persline Bonite
Mark Jaen kag
Erika Vinculado
Ginpasalamatan man sang mga teachers nga sanday John Anthony Arcete, Elishama Dunton-Isogon, Perry Joe Odevilas, Danna Krishna Ortencio Sambalod kag Jhon Ritch Howell Delatado ng ila nga principal sang CNHS nga si Mrs. Rita Villareal kag mga ginikanan nga ginsuportahan ang ila mga kabataan sa tanan nga oras.
